Հանրահայտ արտիստներից Հայկ Դուրգարյանը տարիներ առաջ ընտանիք կազմեց իր սիրելի աղջկա՝ Մարինայի հետ։ Լինելով ինքնատիպ անհատականություն՝ Հայկը հարսանեկան արարողությունը բավականին յուրօրինակ ու հետաքրքիր է կազմակերպել։
Հայկը իմիտացիա է արել, թե ամուսնանում է նրա եղբայրը, իսկ սիրելիին՝ Մարինային հրավիրել է իբր իր եղբոր հարսանիքին։ Հայկի խնդրանքով բոլորը Մարինայից խնամքով թաքցրել են Հայկի մտադրությունները, իսկ հարսանեկան սրահում Մարինան պարզել է, որ հարսանեկան արարողությունը ոչ թե Հայկի եղբորն է, այլ հենց Հայկինը։
Միանգամից հայտնվելով հարսի կարգավիճակում՝ Մարինան անակնկալի է եկել։ Հայկը վստահ է եղել, որ ամեն դեպքում Մարինային դուր կգա իր մտահղացումը, ուստի բավականին համարձակ է գտնվել իր նախաձեռնություններում։
Այժմ Հայկն ու Մարինան զավակ ունեն։ Հայկը ոչ միայն շարունակում է իր ոճային երգերով ներկայանալ, այլ նաև հեռուստադիտողին հաճելիորեն զարմացնում է իր արտիստական խաղով ու կերպարով։
