Աղաս Մանուկյանը բոլորիս հայտնի տաղանդաշատ վանաձորցի է, որը հոգով ու սրտով կապված է Վանաձորի հետ։ Աղասը նախորդ տարի իր Վանաձորի տոնը վաճառեց ու փոխադրվեց Երևան՝ գնելով հիփոթեքով բնակարան, սակայն Վանաձորի հետ կապը դեռ առկա է։
Աղասի այդ ջերմ կապի հերթական դրսևորումն է նրա ներկայացրած նոր աշխատանքը։ Նա ձևափոխված ներկայացրել է «Գեղեցկության թագուհի» հանրահայտ երգը՝ այն ձոնելով հայրենի քաղաքին։ Ինչպես հայտնի է, այս գեղեցիկ ստեղծագործությունը ժամանակին հեղինակել է Առնո Բաբաջանյանը։
Աղասն ու Հայկ Սարգսյանը փոխել են երգի բառերը՝ այն տեղայնացնելով ու դրա միջոցով ներկայացնելով հայրենի քաղաքը։ Նա ունկնդիրներին հրավիրում է հայրենի քաղաք, որպեսզի կտրվեն հոգսերից ու ամառային շոգից, իսկ իր անունից ասում է, որ երբեք չի մոռանա, թե որտեղից է ինքը։
Աղասի ներկայացրած երգը կցված է ստորև։ Արտիստը խորհուրդ է տալիս վայելել երգն ու ուրախանալ դրա ներքո։
