Թռչնի կաթ` հետաքրքիր կրեմով. երբեք չեք կարող պատկերացնել՝ ինչով է այն

Թռչնի կաթ տորթի այս բաղադրատոմսով խմորն ստացվում է փափուկ․ այն պետք չէ որևէ օշարակով հավելյալ փափկեցնել ,իսկ կրեմը, որը սպիտակաձավարի հիման վրա է, պարզապես հրաշք համ ունի․ շատ-շատ նուրբ է և շատ համեղ:

Անհրաժեշտ է

Սերուցքային կարագ՝ 150 գ

Ձու՝ 4 հատ

Ալյուր՝ 160 գ

Շաքարավազ՝ 180 գ

Կակաո՝ 3 թ/գ

Փխրեցուցիչ՝ 10 գ

Աղ՝ 1 պտղունց

Կրեմի համար

Կաթ՝ 500 մլ

Սպիտակաձավար՝ 3 ճ/գ

Սերուցքային կարագ՝ 300 գ ( կարելի է ավելացնել 200․ եթե չեք ցանկանում կրեմը յուղոտ լինի)

Շաքավարազ՝ 150 գ

Վանիլին՝ 20 գ

1 փոքր լիմոնի հյութ

Գլազուրի համար

Թթվասեր՝ 3 ճ/գ

Շաքարավազ՝ 3 ճ/գ

Կակաո՝ 3 թ/գ

Կարագ՝ 10-20 գրամ

Պատրաստման եղանակը

Փափկեցրաց կարագը խառնել շաքարավազի, աղի հետ՝ հատ-հատ ավելացնելով ձուն հարել 5 րոպե: Ալյուրի և փխրեցուցիչի հետ միասին խմոր հունցել, բաժանել երկու մասի: Խմորի կեսի մեջ ավելացնել կակաո և խառնել՝ մինչ միասեռ դառնա, մնացած խմորը թողնել սպիտակ:

Կաղապարի հատակին յուղած թուղթ փռել, թխել 180 աստիճանով 20-25 րոպե՝ մինչ պատրաստ լինելը։ Թողնել որպեսզի շերտերը լիարժեք սառչեն: Տաք կաթի մեջ ավելացնել աղ և բարակ շիթով լցնել սպիտակաձավարը՝ եփելով մինչ պնդանա: Ապա թողնել որպեսզի սպիտակաձավարով շիլան սառչի:

Կարագը հարել շաքարավազի և վանիլինի հետ և մաս առ մաս լրիվ սառը վիճակում գտնվող սպիտակաձավարով շիլան ավելացնել խառնուրդի մեջ՝ լավ հարելով: Վերջում ավելացնել լիմոնի հյութը: Գլազուրի համար խառնել բոլոր բաղադրիչները և եփել մինչ մգանա, թողնել որպեսզի սառչի:

Սառեցված խմորի շերտերը կիսել, կրեմը կիսել երեք մասի և հավաքել տորթը՝ վերջում պատելով գլազուրով: Պատրաստի տորթը թողնել 2-3 ժամ սառնարանում: Մատուցելուց առաջ նախօրոք հանել սառնարաին, որպեսզի կրեմում գտնվող սերուցքային կարագը մի փոքր հալչի և կրեմը սուֆլեից ավելի նուրբ կդառնա:

Рейтинг
( 1 оценка, среднее 5 из 5 )
Понравилась статья? Поделиться с друзьями:
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: