Առաջիկայում Բաքվում նախատեսվում է անցկացնել Տիեզերագնացնության միջազգային կոնգրես, որին մասնակցելու համար Բաքու են ժամանելու տիեզերագնացներ աշխարհի տարբեր կետերից։
Հանրահայտ տիեզերագնացներից մեկը՝ Գարեթ Ռեյզմանը, իր սոցհարթակում հայտարարել է, որ ինքը հրաժարվում է Բաքու մեկնելուց, քանի որ Ադրբեջանը ագրեuիա է ձեռնարկել հայերի նկատմամբ, ինչն անընդունելի է։
Գարեթ Ռեյզմանը հորդորել է, որ իր պես վարվեն նաև այլ տիեզերագնացներ ևս։ Նա առհասարակ դեմ է արտահայտվել, որ Տիեզերագնացության այդ կարևոր կոնգրեսը պետք է Բաքվում անցկացվի։
Գարեթն իր խոսքը հիմնավորել է այն փաստով, որ Ադրբեջանը հանդիսանում է աշխարհի ամենակոռումպացված երկրներից մեկը, որն ունի նաև Եվրոպայում մարդու իրավունքների պաշտպանվածության ամենավատ ցուցանիշներից մեկը։
Բացի այդ, իր միկրոբլոգում տիեզերագնացը կիսվել է նաեւ մի շարք միջազգային կազմակերպությունների զեկույցներով ու գնահատականներով՝ այդպիսով լրացուցիչ հիմնավորում բերելով իր որոշման համար։ Նրա հայտարարությանը դեռ չեն արձագանքել։
