Տաղանդաշատ ու ինքնատիպ արտիստուհի Անի Երանյանի տարեդարձն է։ Անին ծնունդով երևանցի է։ Իր մանկության մասին խոսելիս Անին վառ ու տխուր պահեր է հիշում, որոնք հիմնականում կապված են դպրոցական տարիներ և ընտանիքի անդամների հետ։
Անին դպրոցում բավակաին լրջմիտ ու հավասարակշռված աղջիկ է եղել։ Հաճախ է մասնակցել գեղեցկության մրցույթների։ Նրա ծնողների բաժանությունից հետո Անիի վրա մեծ ազդեցություն է ունեցել պապիկը, որն իր համար տղամարդու օրինակելի կերպար է։
Ավելի հասուն տարիքում Անին կապ է հաստատել նաև հայրիկի հետ, որն ունի այլ ընտանիք։ Հոր ընտանիքի հետ ջերմ կապի հիմնական «մեղավորը» Անիի մայրն է։ Անին հաճախ է հիացմունքով խոսում իր մայրիկի մասին, որը լայնախոհ ու ներողամիտ կին է։
Արդեն մի որոշ ժամանակահատված է, ինչ Անին Նահանգներում է։ Այնտեղ նա ակտիվ գործունեություն է ծավալում՝ տեղում գտնվող հայերի հետ համագործակցելով։ Անիի կյանքում հայտնվել է Մհերը, որը մեծ սիրով է խոսում Անիի մասին։
