Վանիլային և շոկոլադե մուսսը «Թռչնի կաթն» անկրկնելի են դարձնում։ Սա հայտնի տորթի ժելատինով տարբերակն է՝ առանց թխելու: Երաշխավորում ենք՝ բոլորը գոհ կլինեն։ Անպայման պետք է փորձել, քանի որ այդ համն անփոխանցելի է:
Անհրաժեշտ է
Շոկոլադե մուսս
Շաքարավազ՝ 5 ճ/գ
Կակաո՝ 5 ճ/գ
Ժելատին՝10 գ
Ջուր՝ 230 մլ
Կաթ՝ 5 ճ/գ
Վանիլային մուսս
Կաթ՝ 230 մլ
Վանիլին՝ 20 գ
Ժելատին՝ 15 գ
Սերուցք 33 %` 500 մլ
Թթվասեր` 400 գ
Շաքարավազ` 200 գ
Պատրաստման եղանակը
Վանիլային մուսսի համար խառնել կաթը, վանիլինը և ժելատինը, եփել միջին կրակի վրա՝ մինչև գոլորշու հայտնվելը՝ անընդհատ խառնելով։ Հանկարծ չեռացնել: Հանել մուսսը կրակից և սառեցնել: Սերուցքը հարել՝ մինչ միջին փափկություն: Առանձին հարել թթվասերն ու շաքարավազը: Մաս-մաս հարած սերուցքը խառնել թթվասերի հետ, ավելացնել տաք կաթնային խառնուրդը՝ անընդհատ հարելով հարիչով՝ ցածր արագության տակ: Ջեռոցի կաղապարը յուղել, այնտեղ դատարկել մուսը, ծածկել սննդային թաղանթով և դնել սառնարանը՝ մինչ մուսսի վերևի շերտը սառչի:
Շաքարավազը և կակաոն խառնել, ավելացնել ջուր, կաթ, լավ խառնել և եռացնել՝ անդադար խառնելով: Լցնել վանիլային մուսսի վրա, կրկին փակել և թողնել սառնարանում՝ մինչ սառչի: