Հանրահայտ լրագրող ու լուսանկարիչ Գագիկ Շամշյանն ուշագրավ հանդիպում է ունեցել համաշխարհային կինոդեմքերից մեկի՝ Ժերար Դեպարդիեի հետ։ Շամշյանն, ըստ երևույթին, լուսանկարները հանրայնացրել է արտիստի տարեդարձի առիթով․ տարեդարձը դեկտեմբերի քսանյոթին էր։
Նշենք, որ Ժերար Դեպարդիեն միշտ աչքի է ընկել իր ըմբոստ ու սկզբունքային բնավորությամբ, անհանդուրժողականությամբ ու անակնկալ որոշումներով։ Նա բացի դերասանությունը նաև զբաղվում է գինեգործությամբ։
Արտիստն անտարբեր չէ նաև հայերի նկատմամբ։ Տասներկու տարի առաջ արտիստը նաև Երևան էր եկել, հարցազրույցներով հանդես եկել։ Այդ այցի շրջանակում նա՝ որպես հանրային դեմք, արտահայտվել է նաև հայերի ցեղաuպանության մասին՝ նշելով, որ ինքը գիտի, թե դա ինչ է։
Նա հավելել է, որ այդ մասին իմացել է ֆրասիահայ իր ընկերներից։ Նա նաև սիրով ու հիացմունքով է արտահայտվել հայկական ավանդույթների մասին։ Ամենայն հավանականությամբ Գ․ Շամշյանի հանրայնացրած կադրերն արվել են արտիստի հայաստանյան այցի ժամանակ։
