Հայտնի է դարձել, որ կյանքից հեռացել է վաստակաշատ Կարապետ Քեչյանը, որը երկար տարիներ եղել է Կամերային թատրոնի նվիրյալներից մեկը։ Նրա մահվան մասին իր հարթակում ցավով ու ափսոսանքով հայտնել է հանրահայտ արտիստներից մեկը՝ Հովհաննես Ազոյանը՝ գրելով, որ երբեք չի մոռանա նրան։
Կամերային թատրոնի հարթակում ևս այս ցավալի լուրը տեղեկացնող մահազդ է հրապարակվել հետևյալ բովանդակությամբ․ «Խորը ցավով հայտնում ենք, որ կյանքից անժամանակ հեռացել է կամերային թատրոնի նվիրյալ, լուսային սարքավորումների օպերատոր Կարապետ Քեչյանը:
Բոլորի կողմից շատ սիրելի Կարոն բառի ուղիղ իմաստով իր բարի ժպիտով շուրջ 25 տարի լուսավոր էլ է կամերայինի բոլոր ներկայացումները: Նրա կորուստը ցավալի և ծանր է ամբողջ անձնակազմի համար:
Ուժ և կորով ենք ցանկանում մեր սիրելի Կարոյի ընտանիքին և հարազատներին»,- ասվում է Կամերային թատրոնի հարթակում տեղադրված մահազդի մեջ։
