Յուրաքանչյուրը կարող է նման խնդրի բախվել․ նոր լվացած հագուստից տհաճ հոտ է գալիս։ Խնդիրը սնկերն են՝ լվացքի մեքենայի ռետինե օղակի և փոշու համար նախատեսված մասում։ Սնկի այդ տեսակը կոչվում է սև բորբոս, որը շատ վնասակար է առողջության համար։ Դրա առաջացման և տարածման համար հիանալի միջավայր է խոնավությունը, որտեղ և դրված է սարքը։ Այն կարող է զարգանալ նաև ոչ լրիվ թափված ջրի և հաճախակի 30-40 աստիճանով լվացք անելու դեպքում։
Սնկից ազատվելու համար անհրաժեշտ է քլոր պարունակող լվացքի միջոց և 25 գրամ լիմոնի աղ։ Նախ անհրաժեշտ է խոնավ շորով մաքրել սունկը, այնուհետև քլոր պարունակող միջոցը տարածել ռետինե մասին և փոշամանի ողջ տարածքով։
Փակել դռնակը և թողնել 2-3 ժամով, ապա միացնել պարզաջրման ռեժիմով։ Դրանից հետո փոշու ամանի մեջ լցնել լիմոնի աղը և միացրել առավելագույն ջերմությամբ ջրով լվացքի ռեժիմ։ Սև բորբոսից ընդմիշտ ազատվելու համար կրկնել այս ամենն ամսվա մեջ մի քանի անգամ։
