Ջո Բայդենի կյանքը բավականին հետաքրքիր ու ակտիվ է եղել։ Նա այժմ ամուսնացած է Ջիլի հետ։ Նրանք երկար տարիներ իրար հետ են։ Ջիլը պատմել է, որ ամուսինը նրան Սուրբ ծննդյան տոներին հիմնականում բանաստեղծություններ և բանաստեղծությունների գիրք է նվիրում։
Այս տարի նա ևս չի խախտել իր որդեգրած ավանդույթը։ Ջիլի հետ ամուսնությունը Բայդենի կյանքում երկրորդն է։ Բայդենի առաջին կինը և աղջիկը մահացել են շատ տարիներ առաջ ավտովթարի պատճառով։
Տարիներ անց Բայդենի երկու տղաները նրան համոզել են առաջարկություն անել Ջիլին։ Ավելի ուշ Բայդենը խոստովանել է, որ Ջիլի հետ հենց առաջին հանդիպման ժամանակ հասկացել է, որ նա հենց այն կինն է, որը պետք է լինի իր կողքին։
Ջիլը մի քանի անգամ մերժել է Բայդենի առաջարկությունները։ Նա միայն հինգերորդ անգամն է համաձայնել դառնալ Բայդենի կինը։ Բայդենը խոստովանում է, որ Ջիլն իր երկրորդ մեծ սերն է․ նա երկու անգամ է մեծ սիրահարվածություն ունեցել։
