Անդրեն ու Նազենին սեպտեմբերի տասներկուսին միասին երկար ու հետաքրքիր զրույց են ունեցել՝ քայլելով Երևանի փողոցներով։ Անդրեն պատմել է, թե ինչ հիշողություններ ունի մանկության տարիներից, պատերազմական օրերից, երբ հայրը գտնվել է ճակատում։
Անդրեն նաև պատմել է, թե Եվրոտեսիլում ներկայանալու նախօրյակներին ու հետո ինչեր է տեղի ունեցել իր անվան շուրջ։ Անդրեն հիշել է այն բոլոր նամակները, որոնք ստացել է հարևան երկրի ներկայացուցիչներից, ինչի շնորհիվ անցել է լուրջ դժվարությունների միջով։
Անդրեի ու Նազենիի զրույցին միացել է նաև Անրդեի սիրելին՝ Անին։ Անին իր հերթին պատմել է, թե ինչպես է եղել, որ ինքը մասնացել է «Ազգային երգիչ» նախագծին, ինչպես է արժանացել Անդրեի հավանությանը։
Անդրեն խոստովանում է, որ ինքը սիրահարվել է հենց Անիին տեսնելու առաջին պահից։ Նա դրանից հետո դուրս է եկել նախագծից, ապա նամակագրական կապ է պահել Անիի հետ։ Այս և այլ ուշագրավ մանրամասների մասին կարող եք իմանալ ստորև։
