Քիչ առաջ սիրելի հոր՝ տաղանդավոր ռեժիսոր Վահե Շահվերդյանի մահվան մասին տեղեկացնող հրապարակում է արել Սուրեն Շահվերդյանը։ Նա իր հրապարակման մեջ ներողություն է խնդրել հորից, որ չի հասցրել նրան ասել այն բոլորը, որ ուզեցել էր ասել։
Սուրենը նաև ներողություն է խնդրել հորից, որ չի կարողացել վերադարձնել նրան այն ուշադրությունն ու սերը, որը ստացել է հորից։ Չի հասցրել նրա հետ խոսել այնքան, որքան պետք է խոսել։
Սուրենը նաև ներողություն է խնդրել հորից, որ չի հաջողվել այս դեպքում նույնպես նրա կյանքը փրկել։ Նշենք, որ Վահե Շահվերդյանը ուներ առողջական խնդիրներ, նրա կյանքը նախկինում հաջողվել է փրկել։
Ռեժիսորի գործընկերներն ու մտերիմները հավատում էին, որ այս դեպքում ևս հնարավոր կլինի փրկել նրա կյանքը։
Ցավոք, չի հաջողվել։ Վահե Շահվերդյանի վախճանը լուրջ կորուստ է հայ մշակույթի, թատերական ոլորտի համար։ Նա տարիներ շարունակ անխոնջ աշխատանքով զարգացրել է հայ թատրոնը։
