Լեգենդար դարձած «Թթենի» ֆիլմի հերոսներից Արոյան Ռազմիկը կարողացել է իր ինքնատիպ դերասանական խաղի, միմիկաների և ապրումները ցուցադրելու վարպետության շնորհիվ ապահովել ֆիլմի հաջողությունը։ Նրա կերպարը շատերը հավանեցին, սակայն արտիստի մասին քչերը գիտեն մանրամասներ։
Արոյան Ռազմիկը ծնունդով Թեհրանից է, սովորել է Երևանի Թատերական ինստիտուտին կից գործող արտիստական ստուդիայում, որի ղեկավարը Աճեմյան Վարդանն է եղել։ Ռազմիկը իսկզբանե աչքի է ընկել իր դերասանական տաղանդով՝ դառնալով Վարդան Աճեմյանի սիրելիներից մեկը։
Ֆիլմերից հայտնիություն ձեռք բերած արտիստին, սակայն, այդ նույն հաջողությունը երկար չուղեկցեց։ Շուտով նա նկարահանումների հրավերներ սկսեց ավելի սակավ ստանալ։ Նա կյանքի վերջին տարիներին սեփական մաշկի վրա զգում էր անտեսված լինելու ծանրությունը։
Ռազմիկ Արոյանը կյանքից հեռացել է տասներկու տարի առաջ։ Նրա ընկերները ցավով էին այդ օրերին նշում, որ տաղանդավոր արտիստի հոգեհանգիստը ևս անտեսված մնաց կառավարության անդամների կողմից։ Այսօր արտիստը կդառնար յոթանասունհինգ տարեկան։
