Այսօր Մխիթարյան Արթուրը կդառնար քսան տարեկան, սակայն նրա քսանամյակը հարազատները թաց աչքերով ու անամոք ցավով են նշում, քանի որ Արթուրն այլևս մնացել է հավերժ տասնինը տարեկան ու անմահացել է։
Արթուրն ընկել է այս տարվա հունվարի տասնմեկի ադրբեջանական hարձակման հետևանքով մղված մարտերի ժամանակ։ Արթուրն ընկել է ընկերոջ՝ Ռուդիկի հետ։ Նա այսօր կդառնար քսան տարեկան։ Զինվորը անկախության ծնունդ էր։
Արթուրը լույս աշխարհ է եկել հենց այսօր՝ Հայաստանի անկախության օրը, իսկ տանսինը տարեկանում կյանքը տվել է հանուն այդ անկախության պաշտպանության համար։
Արթուրն ընտանիքի երեք զավակներից մեկն էր։ Նա քույր ու եղբայր ունի։ Եղբայրը՝ Արսենը, եղբոր քսանամյակի առիթով նախաձեռնել է հուշակոթողի կանգնեցում։ Հուշակոթողի բացումը հենց այսօր են իրականացրել։
Արթուրի սխրանքի, նրա հարազատների անափ կարոտի ու գնահատումի խոսքերի և այլ մանրամասների մասին պատմող տեսանյութը կարող եք դիտել վարը կցված նյութի մեջ։
