Ցավալի․ Որպես կամավոր մարտական դիրքեր մեկնելու ճանապարհին ավտովթարից մահացել է 44 օրյա պատերազմի մասնակից, Թալինի ՔՊԿ տարածքային խորհրդի անդամ Միհրան Ասատրյանը

Պատգամավոր Վահագն Ալեքսանյանը գրում է․ Այսօր որպես կամավոր մարտական դիրքեր մեկնելու ճանապարհին ավտովթարից մահացել է 44 օրյա պատերազմի մասնակից, Թալինի ՔՊԿ տարածքային խորհրդի անդամ Միհրան Ասատրյանը։

Միհրանը մարմնավորումն էր հայրենասիրության, պետականամետության, աշխատասիրության և պարտաճանաչության։ 2019 թ.-ին Միհրանը մի խումբ երիտասարդների հետ լքեց ՀՅԴ կուսակցությունը այն բանից հետո, երբ ժողովներից մեկի ժամանակ Հրանտ Մարգարյանը պարտադրել էր «իշխանություններին պարտիզանական հարվածներ հասցնել»։

Նա որոշ ժամանակ անց միացավ ՔՊԿ-ին ու դարձավ Թալինի մեր թիմի սիրելին, քանի որ ամենապարտաճանաչն էր, ամենաաշխատասերը ու ընկերասերը, մեր նախընտրական թիմում ամենաշատ աշխատանքներ կատարած մարդկանցից էր, անընդհատ պրպտում էր, աշխատում նախընտրական ծրագրի վրա, ընտրական շտաբի աշխատանքների համակարգմամբ զբաղվում ու հավատում, որ թիմի հետ պիտի ավելի լավը դարձնեն Թալինը, պիտի շենացնեն, բնակիչների հոգսերը թեթևացնեն։

Դու օրինակն էիր նրա, թե ինչպես են ԱՆՄՆԱՑՈՐԴ նվիրվում պետությանը։ Ննջես խաղաղությամբ, եղբայր։

Рейтинг
( 2 оценки, среднее 3 из 5 )
Понравилась статья? Поделиться с друзьями: