Եվրոպայում ընթանում են ըմբշամարտի աշխարհի առաջնություններ, որոնց մասնակցում են նաև հայ մարզիկները։
Էդմոն Նազարյանն ըմբշամարտի Աշխարհի առաջնության կիսաեզրափակչում հաղթել է Աշխարհի կրկնակի չեմպիոն, Օլիմպիական խաղերի փոխչեմպիոն Կենիչիրո Ֆումիտային և մտել եզրափակիչ: 60 կգ քաշային ըմբիշը անկախ Հայաստանի առաջին Օլիմպիական չեմպիոնի՝ Արմեն Նազարյանի որդին է։
Քիչ առաջ տեղի ունեցավ լեգենդար մարզիկ Արթուր Ալեքսանյանի և Բուլղարիայի ներկայացուցչի՝ Կիրիլ Միլովի հանդիպումը։ Նախօրեին Արթուրը պայքարեց եզրափակչի համար և հասավ հաջողության։ Այս անգամ պայքարը ոսկե մեդալի և վերջնական հաղթանակի համար էր։
Նշենք, որ Միլովի հետ Արթուրի հանդիպումը առաջինը չէ։ Նա Միլովին 2021 թվականին հաղթել է 9։0 հաշվով։ Արթուրի մենամարտը ուղիղ եթերով հեռարձակվել է Գյումրու հրապարակում տեղադրված գլխավոր հրապարակի էկրանի վրա։
Արթուրի և Լիրիլի մենամարտն ավարտվել է Արթուրի հաղթանակով։ Նա հաղթել է 5։1 հաշվով՝ ցնծություն պարգևելով ողջ հայ ազգին և դառնալով աշխարհի քառակի չեմպիոն։
Արայիկ Հարությունյանն իր հարթակում գրել է․ «Արթուր ջան, ցավդ տանեմ։ Բարի վերադարձ: Արթուր Ալեքսանյանը կրկին նվաճում է աշխարհի չեմպիոնի կոչումը: Չորրորդ անգամ»։
