Արդեն մեկ ամիս է, ինչ Իշխանյան Սվետլանան ու Կարապետյան Էրիկն ընտանիք են կազմել։ Զույգի հարսանեկան արարողությունը բավականին սիրառատ ու հուզառատ ընթացքով է աչքի ընկել։ Ինքնատիպ ու գեղեցիկ կազմակերպված հարսանեկան արարողության քավորակինը Էմմին է եղել, իսկ քավորը՝ երգչուհու ամուսինը։
Ընտանիքը, որ երկար ժամանակ Հայաստան չէր եկել, Էրիկի հարսանեկան արարողության առիթով ամբողջական կազմով ժամանել էր Հայաստան։ Սվետլանան ու Էմմին տարբեր առիթներով արտահայտել են իրենց փոխադարձ ջերմ զգացողությունները։
Հրապարակումներից մեկում Էմմին խոստացել է, որ միշտ կլինի ամուսինների կողքին։ Զույգի ամուսնության մեկ ամսվա առիթով Էմմին շքեղ ու նրբաոճ ծաղիկների փունջ է ուղարկել Սվետլանային։ Սվետլանան էլ այդ ծաղիկները նկարել և տեղադրել է իր հարթակում։
Սվետլանան շնորհակալություն է հայտնել, որ Էմմին միշտ իր կողքին է՝ նշելով, որ ինքն ունի աշխարհի լավագույն քավորն ու քավորկինը։ Այս և այլ կադրերի մասին մանրամասնորեն կարող եք դիտել վարը կցված նյութի մեջ։
