Սուրմալուի ողբերգական դեպքի ու զոհերի հիշատակը հարգելու համար սուգ է հայտարարված։ Զոհվել են մեր երկրի արժանավոր քաղաքացիներ, որոնք ունեին բազմաթիվ լուսավոր նպատակներ։ Նրանց թվում կա նաև մանկահասակ, ինչպես նաև դեռ չծնված բալիկ։
Զոհերի մեջ է եղել Էռնա Գրիգորյանը, որը շուկայում է աշխատել։ Նա Արցախից է։ Էռնայի մահվանից հետո համավանցը ողողվեց նրա մասին պատմող ջերմ հիշողություններով, որոնք փաստում էին, թե որքան աջակցող ու սրտացավ ընկեր է եղել Էռնան։
Էռնայի գործընկերն է եղել Վաչե Եղոյանը, որը նույնպես շուկայում է եղել։ Վաչեն դեպքի ժամանակ իրեն չի կորցրել, անմիջապես կապվել է եղբոր հետ՝ նրան հորդորելով հեռանալ տեղանքից։ Ցավոք, ինքը չի փրկվել։
Վաչեի մասին հուզիչ գրառում է արել նրա ավագ հորեղբայրը՝ հաղորդավար Արտավազդ Եղոյանը, որը ցավով արձանագրել է, որ հակառակորդը Վաչեին չհասավ, բայց նա աղետի զոհ դարձավ։ Վաչեի ու Էռնայի մասնակցությամբ հուզիչ կադրերը՝ կից։
