Քաղաքագետ Շիրինյան Լևոնը գրել է․ «Հայաստանի պատկան մարմինները, քաղաքացիներն ու ռուսական ռեզիդենտուրան Հայաստանում պարտավոր են լինել գերագույն զգոնության վիճակում, հատկապես տհաս ու ստորագույն հինգերորդ շարասյունը: Ոխերիմ բարեկամը ոխերիմ թշնամուն կարող է հրահրել հայ ժողովրդի, ռուսահայության ու Հայաստանի դեմ:
Գիտակցել է պետք. Հայաստանը, ինչպես Ուկրաինան օրհաս են ապրում, սակայն մղում են անկախության պատերազմ ու հաղթելու են ռուսական նացիոնալ-շովինիզմին: Պուտլեր կապուտ»։
Իսկ ավելի վաղ Լ․ Շիրինյանը գրել էր հետևյալը․ «Հայաստանում զավեշտախաղը շարունակվում է․ տարբեր վարիացիաներով, ինչ որ մի տեղից, անհայտ մի ուժ Հայաստանի անցյալի որոշ «գիգանտների» համար ականջակալներ է նախատեսել․ պարբերաբար ձգում է թոկը՝ երգչախումբը գոռում է իշխանափոխություն։
Ու անվստահությունը վաղուց կորցրածները ազգարարում են Ազգային վստահության կառավարություն ծնունդը, խեղված ու տապալված Ազգային համաձայնության կառավարության փոխարեն: Ու այս բոլորը Սոչիում հայոց շահերի աճուրդի տագնապալի ֆոնին: Սթափվեք պարոնայք, Պուտլեր կապուտ»։
