Գրիշայի և Շողերի տղան՝ Ալեքսը, վերջին օրերին դժգոհել է որովայնի հատվածի ցավերից։ Մայրը զանգել է շտապ օգնություն, սակայն նրա զանգերը երկար ժամանակ անպատասխան են մնացել։ Նա ճշտել է հեռախոսազանգին պատասխանող կնոջ տվյալները։
Շողերը, դժգոհելով հայկական սպասարկման որակից առհասարակ, վստահեցնում է, որ շտապ օգնության զանգերին չպատասխանող անպատասխանատու հեռախոսավարուհին ազատվելու է աշխատանքից, քանի որ նման ոճով չի կարելի աշխատել։
Շողերը շնորհակալություն է հայտնում Բաբլոյան կենտրոնի անձնակազմին լավ ու հոգատար սպասարկման համար։ Նա տեսանյութեր է հրապարակել՝ նախ տեղեկացնելով Ալեքսի առողջական վիճակի մասին, ապա ցույց է տվել, որ իրենց արդեն տուն են եկել։
Բժշկական հետազոտության արդյունքում բժիշկները ինչ-որ վիրուս են կասկածել, որի համար էլ որոշակի ցուցումներ են տվել։ Այս մասին Շողերի պատրաստած տեսանյութը կարող եք դիտել վարը կցված նյութի մեջ, որտեղ մայրը բավականին բարկացած է բժշկական սպասարկման որակից։
