Էլեն Ղասաբողլյանը գրում է․ «Ծանոթացեք, մայրս է։ Մենք 20 տարի միասին չենք ապրել, քանի որ ինձ մեծացնելու համար նա գտնվում էր արտերկրում։
Ամբողջ 20 տարիների ընթացքում մեր երազանքն է եղել միասին ապրել կողք կողքի, քանի որ ես մեծացել եմ առանց մայրական ջերմության և սիրո, իսկ նա՝ առանց իր երեխային մեծացնելու բերկրանքի։ 2021 թվականին վերջապես տեղի է ունենում երկուսիս այդքան սպասված պահը, նա վերդառնում է, և մենք սկսում ենք միասին ապրել, հրաշալի է, մենք երջանիկ ենք, ինչպես երբեք:
Իսկ հետո, մայրիկս սկսում է առողջական խնդիրներ ունենալ և բազմաթիվ հետազոտություններից հետո պարզում ենք, որ կյանքը դաժան փորձություն է պատրաստել մեզ համար, և մայրիկիս մոտ ախտորոշվում է քաղցկեղ:
Այո, դա մի մեծ hարված էր ինձ համար, բայց անհրաժեշտ է հավաքել ուժերը և կենտրոնանալ անելիքների վրա։ Ես հավատում եմ, որ մեզ մոտ ստացվելու է հաղթել, ստացվելու է, քանի որ տեսնում եմ, թե ինչպես են բոլորը մեր կողքին իրենց աղոթքներով, լավ մաղթանքներով, ուժ տալով, հոգատարությամբ և ուշադրությամբ»։