Եղբայրը բժիշկ է, թույլ տվեցին մոտենա․ ի՞նչ է պատմում Նաիրա Զոհրաբյանը

Քիչ առաջ աննախադեպ իրադարձություն տեղի ունեցավ դատական նիստերից մեկի դահլիճում։ Տեղի էր ունենում մայիսից կալանքի տակ պահվող Արմեն Գրիգորյանի դատական առաջնանիստը, որի ժամանակ մեղադրյալը հանկարծամահ եղավ։

Այս դեպքին անձամբ ներկա է եղել Նաիրա Զոհրաբյանը, որը հուզված պատմում է, թե ինչ է տեղի ունեցել իրականում։ Նա ասում է, որ Արմենը դահլիճ է մտել շատ առույգ։ Նա բոլոր ներկաներին օդային համբույրներ է ուղարկել։

Հանկարծակիորեն իրեն վատ է զգացել։ Ն․ Զոհրաբյանին թվացել է, թե օդը չի հերիքում։ Նա իր հովհարը փոխանցել է դատապաշտպան Ռ․ Մելիքյանին, որ նա տա Արմենին։ Հանկարծ Արմենն ուշագնաց է եղել։ Ն․ Զոհրաբյանը նշում է, որ Արմենի եղբայրը բժիշկ է։

Եղբորը թույլ է տրվել մոտենալ, սակայն նա նույնպես Արմենին չի կարողացել օգնել։ Ն․ Զոհրաբյանը նշում է, որ անձամբ զանգել է շտապօգնության ղեկավարին՝ տեղեկանալով, որ երկրորդ բրիգադն են ուղարկում, սակայն վայրկյաններ անց հայտնել են անդառնալիի մասին։

Рейтинг
( 1 оценка, среднее 2 из 5 )
Понравилась статья? Поделиться с друзьями: