Զավակները մեր միջավայրի լուսավոր կետերն են, իսկ ծնողների՝ հպարտության հիմնական գրավականը։ Այս առումով բացառություն չէ նաև հանրահայտ երգչուհի Նունե Եսայանը, որը, ընտանիք կազմելով բավականին հասուն տարիքում, միանգամայն գիտակցում է ընտանիքի կարևորությունն ու բացառիկությունը։
Նրա ներկայիս հպարտության հիմնական գրավականը նրա զավակներն են՝ Հենրին ու Էլիզաբեթը։ Այսօր Նունեի ընտանիքում տոնական տրամադրություն է տիրում, քանի որ տարիներ առաջ հենց այս օրն է լույս աշխարհ եկել նրանց սիրելի Բեթին։
Մայրը հաճախ է իր թիթզ աղջնակի հետ տիկտոկյան տեսանյութեր պատրաստում՝ տարբեր առիթներով շեշտելով Բեթիի սերն ու հակումները դեպի արվեստը։ Բեթին սեր ունի նաև քանդակագործության և նկարչության հանդեպ։
Նունեն խոստովանում է, որ աղջիկն այդ գիծը ժառանգել է հայրական կողմից, քանի որ Ավոյի հայրական կողմը նույն հակումներն են ժամանակին ունեցել։
Երգչուհին դստեր տարեդարձի առիթով տեղադրել է Բեթիի փոքր տարիքի լուսանկարներից մեկը՝ գրելով․ «Ծնունդդ շնորհավոր, իմ հրեշտակ»։
