Գոհար Ավետիսյանի երբեմնի ամուսինը զույգի հանրային բաժանումից հետո հայտնվեց օգտատերերի ուշադրության կենտրոնում։ Շատերը դեռ հետաքրքրությամբ հետևում են Սերգեյի հարթակին՝ երբեմն մասնակցելով նրա կազմակերպած հարց ու պատասխանին։
Վերջերս Սերգեյի հարթակին հետևող օգտատերերից մեկը լրջորեն հարցրել էր, թե արդյոք եղել են դեպքեր, որ Սերգեյը լաց լինի Գոհարի պատճառով։ Հիշեցնենք, որ Գոհարը բաժանությունից հետո մի քանի տեսանյութեր էր տեղադրում, որոնցում ինքը լաց էր լինում։
Սերգեյն այս հարցին պատասխանել է հեգնական ձևակերպմամբ։ Նա գրել է․ «Գոհարի պատճառով հեկեկում էի ամեն օր, միայն հենց նոր եմ հանդարտվել»։ Իսկ մինչ այդ Սերգեյը երբեմնի տիկնոջը բնութագրել է հինգ բառով՝ նրան անվանելով․
«Սիրուն, անկրկնելի, միակ, սիրելի, քաղցր»։ Ամուսինները շարունակում են շփվել Գասպարի առիթով։ Գասպարը մեծ կարոտով ու ոգևորությամբ է ամեն անգամ դիմավորում հորը։ Գոհարը երբեմն հանրայնացնում է հոր և որդու ոգեշունչ հանդիպումները ներկայացնող դրվագները։
