Հանրահայտ ու տաղանդաշատ երգչուհիներից Տատյանա Բուլանովան, որ արդեն հիսուներեք տարեկան է, պատրաստվում է նորից մայրիկ դառնալ։ Այս իրողության մասին նրա երկրպագուները տեղեկացել են երգչուհու մասնակցությամբ հանրայնացված վերջին լուսանկարային կադրերից։
Կադրերում երևում է, որ Բուլանովայի հղությունը գրեթե վերջին փուլում է։ Նրա կարգավիճակը նկատելի է։ Նշենք, որ երգչուհին ընտանիք է կազմել երկու անգամ։ Նա առաջին անգամ ամուսնացել է Նիկոլայ Տագրինի հետ, որ երաժիշտ է մասնագիտությամբ։
Տատյանան ու Տագրինն իրար հետ ապրել են շուրջ տասներեք տարի, իսկ այդ տարիների ընթացքում մեկ որդի են ունեցել՝ Ալեքսանդրը, որն այսօր քսանինը տարեկան է։
Երկրորդ անգամ Տատյանան ընտանիք է կազմել Վլադիսլավ Ռադիմովի հետ, որը ֆուտբոլային մարզիչ է։ Նրանք ամուսնացած են 2005 թվականից և մեկ որդի ունեն՝ Նիկիտան, որը տասնհինգ տարեկան է։
Տատյանան երրորդ անգամ մայրանալու ծրագրերի մասին երբևէ չէր բարձրաձայնել, ուստի շատերի համար նրա կարգավիճակն անակնկալ է։
