Վարչապետի տիկինն իր երեխաների հետ որոշել է հանգստանալ Հայաստանի հետաքրքիր ու տեսարժան վայրերում։
Իրենց տպավորություններով Աննա Հակոբյանը կիսվել է իր հարթակում՝ մյուսներին խորհուրդ տալով նույնպես Հայաստանում հանգստանալու պարագայում ընտրել այդ վայրերը։ Աննա Հակոբյանը հատկապես հիացած է Լոռու հիասքանչ բնությամբ, բնաշխարհով։
Նա գրել է, որ եթե մարդիկ Հայաստանում արձակուրդ կամ հանգստյան օրեր են ցանկանում պլանավորել, ապա ինքը խորհուրդ է տալիս, որ չմոռանան Լոռին, մասնավորապես Դսեղը, Հաղպատը, պարտադիր տեսնելու համար բազմաթիվ այլ վայրեր։
Նշենք, որ Աննա Հակոբյանի տեղադրած լուսանկարներում երևում են նրա երկու զավակները։ Չափահաս զավակները՝ Մարիամը և Աշոտը, չկան նկարներում։ Աննա Հակոբյանը տեղադրել է միայն անչափահաս զավակների՝ Արփիի և Շուշանի հետ լուսանկարներ։
Լուսանկարներից երևում է, որ երեխաները իսկապես մայրիկի հետ միասին վայելում են Լոռվա չքնաղ բնությունը, կանաչազարդ տեսարժան վայրերը և անաղարտ ու թարմ օդը։