Անչափ համեղ շոկոլադե թխվածքաբլիթ, որը հաստատ կուտեք միանգամից ու չեք ցանկանա որևէ մեկի հետ կիսվել: Փափուկ նուրբ և շոկոլադե այս բաղադրատոմսը հասարակ է և այն կարող է նույնիսկ փոքր երեխան պատրաստել:
Անհրաժեշտ է
Ալյուր՝ 150 գ
Շաքարավազ՝ 160 գ
Կակաո՝ 50 գ
Վանիլին՝ 10 գ
Աղ՝ 1 պտղունց
Սերուցքային կարագ՝ 100 գ
Ձու՝ 2 հատ
Փխրեցուցիչ՝ 1 թ/գ
Պատրաստման եղանակը
Կակաոն, շաքարավազը, աղը և վանիլինը խառնել փափկացրած սերուցքային կարագի հետ՝ ավելացնելով ձու, ալյուր և փխրեցուցիչ: Խառնել մինչ միասեռ դառնա: Դնել սառնարանը մեկ ժամով, որպեսզի խմորը պնդանա:
Խմորը պետք է պնդանա այնքան, որ իրենից հնարավոր լինի գնդիկներ պատրաստել 25-30 գ: Պատրաստի գնդիկները շաղախել շաքարի փոշու մեջ, դնել սիլիկոնի կամ թխելու թղթի վրա կամ գնդիկների արանքում՝ հեռավորություն թողնելով:
Այդ դեպքում դրանք կմեծանան իրենց չափսով և շատ ծավալուն կստացվեն թխելու ընթացքում: Թխել 15-20 րոպե՝ 180 աստիճանի ներքո: Թխվածքաբլիթը թողնել մի փոքր սառչի, դրանից հետո նոր հանել ջեռոցի կաղապարից :
