«Տիրամիսու» տորթը բոլորն են սիրում։ Առաջարկում ենք փորձված բաղադրատոմսը։
Անհրաժեշտ է
Բիսկվիթ
Ձու՝ 6 հատ
Շաքարավազ՝ 180 գ
Ալյուր՝ 110 գ
Շաքարի փոշի՝ 50 գ
Կրեմ
Սերուցք 33%՝ 500 գ
Թթվասեր՝ 800 գ
Շաքարի փոշի՝ 200 գ
Նաև
Սուրճ՝ 10 գ
Ջուր՝ 200 մլ
Շոկոլադ՝ 20 գ
Կակաո՝ 20 գ
Պատրաստման եղանակը
«Սավոյարդի» թխվածքաբլիթի համար սառեցրած սպիտակուցները հարել 10 րոպե՝ մինչ լավ փրփուր առաջանա։ Աստիճանաբար ներմուծել շաքարավազ՝ շարունակելով հարել 3-4 րոպե։ Առանձին հարել դեղնուցները՝ մինչ սպիտակ դառնան։ Ներմուծել հարած սպիտակուցները և ալյուրը։ Հյուրաշագործային պարկիկի միջոցով երկարավուն թխվածքաբլիթներ դնել կաղապարի վրա, ցանել շաքարափոշի և թխել 8 րոպե՝ 200 աստիճանի ներքո։
Սառեցրած սերուցքը հարել, ներմուծել թթվասերն ու շաքարի փոշին։ Լուծվող սուրճ պատրաստել, թխվածքաբլիթները թաթախել մեջը և շարել մատուցամանի վրա՝ 6-ական՝ երկու շերտով, շոկոլադ քերել ու վրայից դնել կրեմի կեսը, հետո կրկին «Սավոյարդին»՝ երկու շերտով ու շոկոլադը, վրայից էլ՝ կրեմը։ Տորթի կողքերը թխվածքաբլիթ շարել՝ մի փոքր կրեմապատելով այն։ Վերևից կակաո ցանել և դնել սառնարանը՝ 3-5 ժամով։