Քաղաքական ասպարեզում հեղափոխության օրերին ու դրանից հետո հայտնի ու հեղինակավոր դարձած գործիչ Մխիթար Հայրապետյանը համարվում է ժամանակի ամենից ցանկալի փեսացուներից մեկը։ Նա արևելագետի մասնագիտություն է ստացել։
Նշենք, որ այս ընտանիքում հայտնի է ոչ միայն Մխիթարը, այլ նաև Հայկ Ստվեր կեղծանվամբ հայտնի նրա եղբայրը, որը երաժիշտ է։
Հեղափոխությունից հետո Մ․ Հայրապետյանը, ինչպես հայտնի է, մի շրջան զբաղեցրել է Սփյուռքի նախարարի պաշտոնը, որի շրջանակներում էլ զբաղվում էր նաև Սփյուռքի երիտասարդ ներկայացուցիչներին հայաստանյան ծրագրերում ներգրավելու հարցերով։
Հենց այդ ժամանակ էլ նա ծանոթացել է բազմաթիվ սփյուռքահայ երիտասարդների հետ։ Երիտասարդների թվում է եղել նաև Լուսի Վանա Կարապետյանը, որի հետ Մխիթարն ավելի ջերմ շփումներ է ունեցել։ Նրանց հարաբերությունները սիրո են վերածվել։ Շուտով զույգը որոշել է ամուսնանալ։
Հայտնի է, որ նրանց պսակադրության արարողությունը կազմակերպվելու է Սաղմոսավանքում, իսկ հարսանյաց արարողությունը՝ Արմենիա Վայն ռեստորանային համալիրում։
