Բանանով համեղ ու շատ արագ պատրաստվող տորթ՝ առանց թխելու․ անպայման փորձեք

Համեղ տորթ՝ 15 րոպեում․ այո՛, դա հնարավոր է։ Եփած խտացրած կաթը, բանանները և նուրբ սերուցքային կրեմը․ էլ ի՞նչ է պետք անուշահամ տորթի համար։ Շատ արագ ու հեշտ պատրաստվող է։ Կհասցնեք պատրաստել, երբ հյուրերն անսպասելի գան։

Անհրաժեշտ է

Թխվածքաբլիթ՝ 300 գ

Եփած խտացրած կաթ՝ 300 գ

Բանան՝ 3-4 հատ

Սերուցքային կարագ՝ 100 գ

Սերուցք 33 % յուղայնությամբ՝ 350 մլ

Շաքարի փոշի՝ 2-3 ճ/գ

Կակաո՝ 1 ճ/գ

Պատրաստման եղանակը

Փշրել թխվածքաբլիթները բլենդերի մեջ։ Միավորել հալեցրած կարագի հետ՝ լավ խառնելով։ Տորթը հավաքվում է բացվող-փակվող օղակի միջոցով։ Օղակը դնել մատուցամանի վրա, մեջը լցնել թխվածքաբլիթային խառնուրդը՝ ձևավորելով հիմք և կողքեր՝ ապակյա բաժակով։

Դնել սառնարանը՝ 15-20 րոպեով։ Սառած հիմքի վրա տարածել եփած խտացրած կաթը, կլոր-կլոր կտրատած բանանը։ Կրեմի համար սառեցրած սերուցքը հարել՝ մինչ պնդանա։ Ավելացնել շաքարի փոշի և շարունակել հարել։ Վրան ցանել կակաո և դնել սառնարանը 40 րոպեով։

Рейтинг
( 1 оценка, среднее 3 из 5 )
Понравилась статья? Поделиться с друзьями:
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!:

error: Content is protected !!