Հունական ավանդական աղցանը կերել ենք, հավանաբար, բոլորս։ Դա բանջարեղենային աղցանն է՝ ֆետա տեսակի պանրի հավելումով։ Հունաստանում աղցանն անվանում են «Գյուղական»։ Հաճախ աղցանի բաղադրիչները մատուցում են բուրգերով, որ յուրաքանչյուրն իր ափսեի մեջ համադրի ըստ ճաշակի։ Արտերկրում ուրիշ բաղադրիչներ էլ են ավելացնում՝ թողնելով նույն անվանումը։ Ավանդական բաղադրատոմսը մեկն է և զետեղված է ստորև։
Այս հունական հրաշքն իրականություն դարձնելու համար ամանի մեջ միավորել բոլոր բաղադրիչները՝ բացի ֆետա տեսակի պանրից։ Խառնել և սենյակային ջերմաստիճան պայմաններում թողնել 1 ժամ, որ բույրերը միավորվեն։ Մինչ մատուցելն ավելացնել քառակուսիներով կտրատած ֆետա տեսակի պանիրը։
