Առաջարկվող թարմ, մատղաշ կաղամբով աղցանը հրաշալիորեն կարող է հավասարապես ձեր թե՛ տոնական, թե՛ ամենօրյա սեղանը զարդարել՝ միաժամանակ աչքի ընկնելով իր առողջարարությամբ ու օգտակարությամբ:
Աղցանը ստանալու համար հարկավոր է ունենալ հետևյալ մի քանի մթերքները.
Հասկանալիորեն նախ մանրատում ենք շերտերով թարմ, մատղաշ կաղամբը: Սոխի ընտրության հարցում նախապատվությունը տալիս ենք հաստ ցողուն ունեցող սոխին: Այն իր համային հատկանիշներով ու կծվությամբ շատ ավելի մեղմ ու դուրեկան է, իսկ գունային երանգավորմամբ հրաշալի ներդաշնակվում է կաղամբի հետ:
Կռաբի (ծովախեցգետնի) ձողիկներ ենք մանրատում, ապա քերում պանիր, որոնք էլ հավելում ենք ընդհանուր մասսային:
Մածուկային խառնուրդը ստանում ենք թթվասերի, քաղցրահամ մանանեխի, սխտորի փոշու և աղի միախառնումից:
Այս ամենը մանրամասնորեն ու համաչափորեն խառնելով ստանում ենք բավարար ծավալով, համեղ, կալորիականությամբ ոչ շատ հարուստ աղցանային տարբերակ:
Այն միևնույն ժամանակ շատ հագեցնող ու արագ կշտացնող աղցան է, որի համից անհնար է կշտանալ:
