Այսօր առավոտյան ոստիկանության կողմից ներկայացված նոր մանրամասները երկու տարեկան երեխայի ցավալի ու սահմռկեցուցիչ դեպքի մասին պարզապես ցնցել են բոլորին։ Ոստկանության հանրայնացրած տեղեկության համաձայն մայրը խոստովանել է, որ աղջիկը Դեբեդն է ընկել ոչ թե պատահականության արդյունքում, այլ իր մեղքով։
Նա չի թաքցրել, որ ինքն է երեխային գցել։ Մինչ կինը ոստիկանական բաժանմունքով է գտնվում, լրատվամիջոցների հետ զրուցել է կնոջ նախկին ամուսինը։ Պարզվում է՝ կինը նախկին ամուսնու բաժանվել է, իսկ հետո այլ մեկի հետ է ամուսնացել՝ երեխային տանելով իր հետ։
Երեխայի հայրը՝ Բարսեղյան Արթուրը, պատմում է, որ տարիներ առաջ նա իր նախկին կնոջ՝ Սիլվայի հետ Ռուսաստանում է ապրել։ Կինը երեխաներին թողել է տանը, վառարանը վառված է թողել ու փակել դուռը երեխաների վրա։
Արդյունքում նրա երկու երեխաները մահացել են։ Ըստ Արթուրի՝ ռուսական ոստիկանության հաշվեկռում Սիլվան գրանցված է որպես պայմանական ազատության մեջ գտնվող անձ։ Արթուրը որոշել է, որ Սիլվային այլևս մոտ չի թողնելու իր երեխային։