Արդեն մի քանի օր շարունակ հայ հասարակությունը աշխարհի տարբեր եզրերին վկայակոչում է հայոց մեծ ողբերգության անմեղ զոհերի հիշատակը։
Իր հարթաակում այս մասին հրապարակում է արել նաև ամերիկյան հանրահայտ հեռուստաաստղ ու մոդել Քիմ Քարդաշյանը։
Քիմը շատ հաճախ է անդրադառնում իր արմատներին, սրտացավորեն արձագանքում է հայկական բոլոր կարևոր թեմաներին՝ փորձելով իր հնարավորությունների և կարողությունների սահմանում աջակցել հայրենակիցներին։
Քիմն իր հարթակում տեղադրել է տարիներ առաջ Հայաստան կատարած այցելությունից լուսանկարներ, որոնցում ինքն ու քույրն են իրենց երեխաների հետ։
Նկարներով Քիմն առաջարկել է բոլորին մի պահ կանգ առնել և հիշել ու հարգել 107 տարի առաջ տեղի ունեցած ցեղաuպանության զոհերի հիշատակը։
Քիմը նաև իր հպարտությունն է հայտնել այն առիթով, որ երկիրը, որում ապրում է ինքը՝ Ամերիկան, նույնպես այն երկրներից մեկն է, որը ճանաչել է հայոց ցեղաuպանությունը։ Նա իր հրապարակումը եզրափակել է «Երբեք չենք մոռանա» հեշթեգով։