Տաղանդավոր երաժիշտ ու դուդուկահար Կամո Սեյրանյանն ունի գեղեցիկ ընտանիք։ Կամոն հրաշալի ձայնով ու նրբագեղ արտաքինով աղջիկ ունի, որի անունը Սոնա է։ Սոնան հայրիկից ժառանգել է երաժշտական փայլուն ընդունակություններ։
Պարզվում է՝ Սոնան ունի հրաշալի ձայնային տվյալներ։ Նա փոքր տարիքում առանձնապես չի երգել, ուստի չեն երևացել նրա ձայնային տվյալները։ Ավելի հասուն տարիքում Սոնան ապշեցրել ու հիացրել է իր ծնողներին ու հարազատներին՝ երգելով գեղեցիկ ու հզոր ձայնով։
Հայրը՝ Կամո Սեյրանյանը, հպարտությամբ նշում է, որ դուստրն առանձնապես երաժշտական կրթություն դպրոցական տարիներին չի ստացել, սակայն դպրոցն ավարտելուց անմիջապես հետո կարողացել է ընդունվել Կոնսերվատորիա։
Այժմ Սոնան հաճախ է երգում սոցհարթակի իր հետևորդների համար։ Նա հաճախ է կատարում Հայկոյի երգերը։ Սոնան ու հայրն առանձնահատուկ վերաբերմունք ունեն Հայկոյի նկատմամբ։ Սոնան սիրով կատարում է նաև Սիրուշոյի երգերը։
Սիրուշոն այդ կատարումների նկատմամբ անտարբեր չէ։ Նա դրանք տեղադրում է իր հարթակում՝ հիացմունք հայտնելով երգչուհու ձայնային տվյալների առիթով։