Ինքնատիպ երգչուհիներից Եվա Ռիվասը հայտնի դարձավ հատկապես եվրոտեսիլյան իր ելույթի շնորհիվ, որից հետո նրան սկսեցին ակտիվ քննարկել, սակայն ներկայում երգչուհին մի տեսակ հետին պլան է մղվել։ Նրա մասին քիչ է խոսվում, իսկ խոսելիս էլ մարդիկ քննարկում են նրա կատարած պլաստիկ վիրահատությունները, որոնք ակնառու են։
Քչերը գիտեն, որ երգչուհին ի ծնե Վալերիա անունն է ունեցել, բայց Եվա կեղծանունն է վերցրել երաժշտական գործունեության ժամանակ։ Կեղծանվան ընտրությունը պատահական չէ․ նա իր ազգությամբ հույն տատիկի անունն է վերցրել։
Եվայի մանկության հիմնական մասն անց է կացել Դոնի Ռոստովում։ Երգչուհին բավականին ակտիվ է եղել դպրոցական տարիներին։ Եվան դեռ դպրոցական տարիքից աչքի է ընկել իր սլացիկ ու բարձր հասակով, ինչն էլ գրավել է շատերի ուշադրությունը։
Եվան դպրոցական տարիներին գեղեցկության մրցույթի է մասնակցել՝ շահելով գլխավոր մրցանակը։ Բացի նորաձևության մրցույթները Եվան մասնակցել է նաև երաժշտական մրցույթների։
