Համաշխարհային երաժշտական ամենից հեղինակավոր մրցանակաբաշխություններից մեկի՝ «Գրեմմիի» ժամանակ ուշագրավ դրվագ է գրանցվել Ուկրաինայի ղեկավարի մասնակցությամբ։ Մինչ մրցանակաբաշխության մեկնարկը մի շարք մշակութային գործիչներ թույլտվություն են խնդրել մրցանակաբաշխության կազմակերպիչներից, որ Զելենսին ելույթ ունենա բեմից։
Կազմակերպիչները Զելենսկուն բեմ բարձրանալու հնարավորություն չեն տվել, սակայն թույլ են տվել մրցանակաբաշխության ժամանակ տեսագրված տարբերակով հնչեցնել Զելենսկու ուղերձը։ Նա հատուկ տեսաուղերձով դիմել է աշխարհի հեղինակավոր երաժիշտներին։
Զելենսկին ուղերձում խնդրում է երաժիշտներին իրենց երգով ու երաժշտությամբ աշխարհին պատմել իրենց երկրում տեղի ունեցող ողբերգության մասին։ Նա խոսել է անգլերեն՝ ասելով, որ հիմա շատ կարևոր է, որ մարդիկ չլռեն։
Նա պատմել է, թե ինչպես են ուկրաինացի երաժիշտները երաժշտական գործիքների փոխարեն զենք բռնել, իսկ երգիչներն ամենուր երգում են վիրավորների համար, անգամ այն մարդկանց համար, որոնք չեն կարողանում լսել։ Զելենսկու հնչեցրած տեսաուղերձի տեսագրությունը կարող եք դիտել վարը կցված նյութի մեջ։
