Շող Մովսիսյանը գրում է․ «Իսկ մտածել ե՞ք՝ ինչու՞ է Ուկրաինան` տարածքով Եվրոպայի ամենամեծ երկիրը, մոտ 45 միլիոն բնակչությամբ, հսկայական ռեսուրսներով հանդերձ այսպիսի ծանր վիճակում հայտնվել, և ռազմական հակամարտության չորրորդ օրը ռուսական ռազմական ստորաբաժանումները հայտնվել են Կիևի մատույցներում:
Հիմնական պատճառը ո՞րն է, գիտե՞ք: Եթե չգիտեք, ասեմ: Այստեղ կա երեք հիմնական պատճառ, և ահա այդ պատճառները`- 1. Կաշառակերություն: 2. Կաշառակերություն: 3. Կաշառակերություն: Այս փտախտը քանդել է բոլոր հետխորհրդային հանրապետությունների դիմադրողականությունը, բացառապես բոլոր, բացի մերձբալթյան երեք հանրապետություններից:
Եվ բոլոր նրանք, ովքեր իրենց հանապազօրյա հարցերը լուծելու համար կաշառք են տալիս կամ վերցնում, ուրեմն մի բողոքեք ոչ մեկից, և սպասեք, որ նույն արհավիրքը թակելու է ձեր բոլորի դռները:
Այդ վիճակի համար առաջին պատասխանատուն դու ես, հարգելի քաղաքացի` հայ, ուկրաինացի, բելոռուս թե ղազախ, ինչու չէ, նաև ռուս»,- իր գրառումը եզրափակում է Շող Մովսիսյանը։