Սիրված և ինքնատիպ երգչուհիներից Սոնան հայկական շոու բիզնեսի ասպարեզում հիմնականում հանդես է գալիս ռուսալեզու երգերի կատարմամբ։ Սոնան հերթական անգամ նոր ստեղծագործության ներկայացմամբ է հանդես եկել, սակայն նրա կատարումը բացառիկ է նրանով, որ երգն այս անգամ հայերեն է։
Ստեղծագործությունը վերնագրված է «Կարոտում»։ Ստեղծագործության երաժշտության և գործիքավորման հեղինակը տաղանդավոր երաժիշտ Նիգ Եգիբյանն է։ Խոսքերը հեղինակել է Կյոկչյան Գրիգորը։
Երգի համար նկարահանվել է գունագեղ ու հետաքրքիր տեսարաններով հարուստ տեսահոլովակ, որի ռեժիսորը Նարեկ Հակոբյանցն է։ Տեսահոլովակում հանդես են գալիս դերասան Միքո Յանը և դերասանուհի Մանե Մադաթյանը։
Տեսահոլովակը հիմնականում նկարահանվել է Ծաղկաձորում, ինչի համար տեսահոլովակի յութուբյան հրապարակման ներքո շնորհակալության խոսք է տեղադրվել՝ ուղղված Դավիթ Սմբատյանին, Ծաղկաձորի Կեչառիս հյուրանոցին, Ծաղկաձորի ճոպանուղու և Ձմեռային այգու ղեկավարներին։
Սոնայի կատարմամբ հնչող գեղեցիկ ու ռիթմիկ «Կարոտում» ստեղծագործությունը կարող եք վայելել վարը կցված նյութի մեջ։
