Հանրահայտ, մեծ հեղինակություն վայելող հրամանատար Կարեն Ջալավյան տարեդարձն է։ Լեգենդար հրամանատարը բոլորում է ծննդյան հիսուներեք տարին։
Դժվար է պատկերացնել հայտնի Եղնիկներ զորամասն առանց տաղանդավոր ու գրագետ հրամանատարի, ով կարողացել է իր զինվորական ծառայության ընթացքում այնպիսի ճիշտ որոշումներ կայացնել, որոնց շնորհիվ հաջողվել է փրկել բազմաթիվ զինվորների կյանքեր։
Հրամանատար Ջալավյանի հրամանատարության ներքո իրենց զինծառայությունն անցկացրած զինվորականները մեծ պատկառանքով են հիշում իրենց վերադասի զինվորական խստությունը, որը միևնույն ժամանակ ուղեկցվում էր մեծ հոգատարությամբ։
Նրա կայացրած որոշումները ոչ միայն զինվորական կյանքեր են փրկում, այլ նաև զգալի դիրքային առաջընթաց ու բարենպաստություն ենթադրում։ Պատահական չէ, որ մտերիմ ընկերները նրան Քյոխ մականվամբ են կնքել։
Պատերազմի թեժ օրերին հրամանատար Ջալավյանն իր կայացրած խելամիտ ու կարևոր որոշումների, իրականացրած գործողությունների համար արժանացել է հերոսի կոչման։
Կարեն Ջալավյանն ունի իր գեղեցիկ ընտանիքը։ Նա հայրենասիրական ոգով մեծացնում է տղաներ, որվքեր առաջիկայում պետք է համալրեն հայրենիքի պաշտպանների շարքերը։
