Հանրահայտ քաղաքական գործիչներից Էդմոն Մարուքյանը բոլորում է ծննդյան քառասունմեկամյա տարեդարձը։ Այդ առիթով նա տեղադրել է իր լուսանկարներից մեկը՝ գրելով․ «Դե ինչ, ասում են՝ դարձա 41 տարեկան»։
Նա նման ձևակերպմամբ իր տարեդարձը նշանավորել էր նաև նախորդ տարի՝ քառասունամյակի առիթով։ Այս անգամ ևս նա բազում շնորհավորական մեկնաբանություններ է ստացել։
Ծննդավայրում՝ Վանաձորում միջնակարգ կրթություն ստանալուց հետո նա իրավաբանական կրթություն է ստանում Մոսկվայում, հետո իրավագիտական ուսումնառությունը շարունակում է Վարշավայում։
Կրթությունն արտասահմանում ավարտելուց հետո վերադառնում է հայրենիք, որտեղ սկսում է զբաղվել քաղաքականությամբ։
2012 թվականից ի վեր նա Ազգային ժողովում է՝ ակտիվ քաղաքական ասպարեզում։ Նախորդ տարվա խորհրդարանական ընտրությունների արդյունքում նա և նրա ղեկավարած քաղաքական ուժը չհաղթահարեցին անցողիկի շեմը և դուրս մնացին խորհրդարանից։
Էդմոն Մարուքյանն ունի գեղեցիկ ընտանիք։ Կինը Տաթևիկն է, նույնպես փաստաբան։ Նրանք երեք զավակների ծնողներ են։ Ունեն երկու տղա և մեկ աղջիկ՝ Էլիզաբեթը, ով տան կրտսերն է։
