Ամանոր-2020-ի սեղանի զարդը թող լինի տոնածառի տեսքով այս գեղեցիկ աղցանը: Այս աղցանը շերտավոր է՝ բաղադրիչների դասական համադրությամբ, որը կհավանեն շատերը:
Անհրաժեշտ բաղադրիչները
Խաշած ձու՝ 2 հատ
Հալած պանիր՝ 90 գ
Սխտոր՝ 2 պճեղ
Շպրոտ՝ 10-14 հատ
Վարունգ՝ 1 հատ
Պաքսիմատ՝ 70 գ
Մայոնեզ՝ 80-100 գ
Զարդարելու համար
Սամիթ՝ մի քանի ճյուղ
Չերրի լոլիկ՝ 3-4 հատ
Զեյթուն՝ 3-4 հատ
Բուլղարական պղպեղ՝ մի քանի կտոր
Պատրաստման եղանակը
Հալած պանիրը քերել մանր քերիչով։ Որպեսզի լավ քերվի այն նախօրոք սառեցնել 15-20 րոպե: Ձուն քերել, սխտորը ճզմել, վարունգը կտրատել բարակ շերտերի: Մատուցամանի վրա մայոնեզով նկարել եղևնի, ներսում բարակ ցանց անել: Առաջին շերտով դնել պաքսիմատը և վրայից սխտորի կեսը։ Այս շերտը հավելյալ մայոնեզ պետք չէ քսել, որովհետև մատուցամանի վրա արդեն իսկ կա մայոնեզի ցանցը։ Այն հերիք է, որ պաքսիմատը փափկի ու հյութեղ դառնա:
Երկրորդ շերտով դնել հալած պանիրը և սխտորի մյուս կեսը: Այս շերտը պատել մայոնեզով՝ ծայրերը և մեջտեղը՝ ցանցի տեսքով: Երրորդ շերտը դնել եփած ձուն, վրայից նորից մայոնեզ անել, ապա շարել շպրոտները (որպեսզի ավելորդ յուղը վերանա, այն կարելի է նախօրոք դնել թղթե սրբիչի վրա)б վրայից մայոնեզ քսել, ապա շարել վարունգները: Աղցանը զարդարելու համար պետք է այն պատել սամիթի տերևներով, չերրի լոլիկներով, զեյթունով և բուլղարական պղպեղով:
