Թաթարական ոճով պատրաստված այս հավը հիանալի է ճաշի համար։ Անպայման պատրաստեք այն։ Նրբաճաշակ ընտրություն է՝ քիմքին հաճելի։
Անհրաժեշտ է
Հավի միս՝ 1,5կգ
Լոբի՝ 300գ
Սոխ՝ 300գ
Տոմատիի մածուկ՝ 1ճ/գ
Աղ՝ 2ճ/գ
Սև պղպեեղ՝ 1ճ/գ
Խմոր
Ալյուր՝ 300գ
Ձու՝ 1հատ
Ջուր՝ 100մլ
Աղ՝ 1/3թ/գ
Միջոււկ
Գազար՝ 200գ
Սոխ՝ 200գ
Բուսայուղ՝ 50մլ
Պատրաստման եղանակը
Ձուն, ջուրն ու աղը հարել, ներմուծել ալյուրն ու խմոր հունցել։ Դնել տոպրակի մեջ՝ 20 րոպեով։ Թավայի մեջ տապակել սոխն ու գազարը՝ խոշոր քերիչով քերած։ Խմորը կիսել երեք մասի, յուրաքանչյուրը բարակ գրտնակել։ Միջուկը հավասարապես տարածել խմորի վրա, ռուլետ փաթաթել, կտրատել՝ 2-3 սմ լայնությամբ։ Նույնն անել մյուս երկու խմորաշերտերի հետ։
Կտրատած հավի միսը տապակել ուժեղ կրակին՝ ավելացնելով սոխը։ Ներմուծել նախապես եփած կարմիր լոբին, տոմատի մածուկը, աղն ու բիբարը։ Խառնել ու վրան շարել ռուլետները։ Եռման ջուր լցնել ու եփել միջին կրակի վրա՝ մոտ 30 րոպե։
