Անդրանիկ Քոչարյանն այսօր աչքի է ընկել լրագրողներին տված իր կտրուկ պատասխաններով։ Խորհրդակցությունից դուրս գալով՝ նա փորձել է հեռանալ միջանցքից, սակայն նրան սպասող մի շարք լրագրողներ նրան տարատեսակ հարցեր են ուղղել։
Շտապելով՝ Անդրանիկ Քոչարյանը փորձել է խուսափել պատասխաններից, սակայն լրագրողներն առավել համառ են գտնվել։ Նրանցից մեկը հիշեցրել է Ա․ Քոչարյանի խաղաղության դարաշրջանի մասին ձևակերպումները։
Մի լրագրող էլ հիշեցրել է, թե ինչ վիճակում են գտնվում սահմանապահ տղաները, ինչին ի պատասխան Ա․ Քոչարյանը կոպտորեն պատասխանել է, որ ինքը տղաների վիճակը շատ լավ գիտի, փոխարենը խորհուրդ է տվել լրագրողին գնալ վարսավիրանոց։
Այս պատասխանը բարկացրել ու վիրավորել է ոչ միայն հարցն ուղղած լրագրողին, այլ նաև մյուս լրագրողներին, ովքեր առիթը բաց չեն թողել և բարձրաձայնել են կին լրագրողների իրավունքների պաշտպանության հարցը։
Ա․ Քոչարյանի և լրագրողների միջև տեղի ունեցած կիսակոնֆլիկտային հարցազրույցը կարող եք դիտել ստորև։
