Ինչպես և կանխատեսվում էր, այսօր մեր տարածաշրջանի լեռնային որոշ բնակավայրերում տեղացել և շարունակում է տեղալ այս աշնան առաջին ձյունը։ Ձյան տեղումների մասին պատմող տեսանյութ է տեղադրել հայտնի օդերևութաբան Գագիկ Սուրենյանը։
Նա տեսանյութ է տեղադրել, որը նկարահանված է մեքենայի ընթացքի ժամանակ։ Տեսանյութով Գ․ Սուրենյանը տեղեկացնում է, որ լեռնային մի շարք վայրերում, մասնավորապես Ճամբարակում թաց ձյան տեսքով տեղումներ են։
Հիշեցնենք, որ այս եղանակը շարունակվելու է առաջիկա երեք օրերին։ Նկատվելու է ջերաստիճանի առնվազն տասն աստիճանի չափով նվազում, իսկ առանձին տարածաշրջանների կոնկրետ եղանակային դրսևորումները կարող եք տեսնել՝ կցված նկարին ծանոթանալով։
Ըստ եղանակային կանխատեսումների՝ շաբաթվա վերջին եղանակային պատկերի նկատելի փոփոխություն է լինելու։ Անձրևային տեղումները փոխարինվելու են արևային եղանակով ու ջերմաստիճանի որոշակի բարձրացմամբ։
Գ․ Սուրենյանի տեղադրած տեսանյութը, որտեղ երևում է Ճամբարակի այսօրվա տեղումների պատկերը, կարող եք դիտել ստորև կցված նյութի մեջ։
