Ընդամենը հաշված րոպեների ընթացքում պատրաստվող այս տորթը կարելի է ստանալ ընդամենը մի քանի մթերքների միախառնումից.Պահանջվող կաթնաշոռը կարելի է և՛ ստանալ տան պայմաններում, և՛ գնել՝ ըստ նախասիրության: Կաթնաշոռը ցանկացած խտության թթվասերի, վանիլային շաքարի, խտացրած կաթի հետ բերել միասեռության աստիճանի: Այդ հարցում կօգնի բլենդերը:
Կրեմային խառնուրդին խորհուրդ է տրվում ավելացնել նաև քիչ քանակությամբ մշակված ժելատին:
Տորթի համը ձևավորվում է նաև ընտրված թխվածքաբլիթների՝ պեչենիների որակից ու համից: Ցանկալի է ընտրել շոկոլադային հիմքով պեչենիներ:
Պեչենիները դասավորել սննդային ցելաֆոնապատ համապատասխան տարրայի մեջ, պատել կրեմային հաստ շերտով, հետո դարձյալ պեչենիները համաչափորեն դասավորել կրեմի մակերևույթի վրա:
Ստացված տորթային մասսան թողնել սառելու և մթերքների ներծծվելու համար՝ նախապես շոկոլադային մածուկով նախշեր անելով: Մի քանի ժամ հետո կտրել: Խորհուրդ է տրվում կտրել շեղակի կտրվածքով:
Այդպես ավելի գեղեցիկ ու շքեղ տեսք է ստանում տորթի կտրված հատվածը: