Այս հրաշք տորթը պատրաստվում ընդամենը 15 րոպեում՝ առանց թխելու՝ սառեցնելով։ Անպայման փորձեք՝ շատ թեթև է ու համեղ։
Անհրաժեշտ բաղադրիչներ
Խուրմա՝ 150 գ
Ընկույզ՝ 100 գ
Վարսակի փաթիլներ՝ 70 գ
Կաթնաշոռ 5%-ոց՝ 400 գ
Ժելատին՝ 15 գ
Յոգուրտ՝ 100 գ
Կաթ՝ 200 մլ
Կակաո՝ 15 գ
Մեղր՝ 20 գ
Բանան՝ 100 գ
Պատրաստման եղանակը
Ժելատինը և գոլ կաթի խառնուրդը թողնել՝ մինչ ուռչի։ Բլենդերով հարել ընկույզը և վարսակի փաթիլները, մի կողմ դնել։ Խուրմայի վրա 20 վայրկյանով եռման ջուր լցնել, կտրել և հանել կորիզը, մանրացնել բլենդերի մեջ։ Միավորել ընկույզա-վարսակային խառնուրդի հետ և հարել բլենդերում՝ մինչ միասեռ դառնալը։ Տափակացնել կաղապարի մեջ, որի հատակին նախապես թխելու թուղթ է փռած։
Բլենդերով հարել կաթնաշոռը, յոգուրտը, մեղրը և կակաոն։ Երբ զանգվածը միասեռ դառնա, ավելացնել կաթնա-ժելատինային զանգվածը և շարունակել հարել՝ մինչ մուսսի կվերածվի։ Ընկույզա-վարսակա-խուրմային շերտի վրա լցնել մուսսի կեսը, վրան շարել կլոր կտրտած բանանը, ապա մնացած մուսսը։ Ըստ ցանկության՝ զարդարել մրգով։ Դնել սառնարանի մեջ՝ 1 ժամով։ Զարդարել կոկոսի քերուկով և ընկույզով։
