Տաղանդավոր երգչուհի Արմինե Սարգսյանն այսօր բոլորում է ծննդյան հիսունչորս տարին։ Նա ծնվել ու մեծացել է մշակութային միջավայրում՝ շրջապատված ժամանակի լեգենդար մշակութային գործիչներով։
Արմինեն Ռաիսա Մկրտչյանի դուստրն է։ Նա ստացել է երաժշտական կրթություն նախ Չայկովսկու անվան դպրոցի դաշնամուրային բաժնում, ապա կրթությունը շարունակել է Կոնսերվատորիայի նույն ֆակուլտետում։
Արմինեն 1990-ականներից տեղափոխվել է Ռուսաստան՝ ապրելով Մոսկվայում։ Այնտեղ նա որպես մեներգչուհի հանդես է եկել տարբեր բեմերում։ Համագործակցել է տարբեր աշխարհահռչակ երաժիշտների, երգիչների ու երգչուհիների հետ։
Մոսկվայում Արմինե Սարգսյանն ավարտել է նաև Գնեսինների անունը կրող երաժշտական ակադեմիան։ Արմինեն շուտով հիմնադրել է «Կուբա-Ռուսաստան. Նոստալգիա» անվանումով երաժշտական նախագիծ։
Արմինեն պարբերաբար հանդես է եկել միջազգային ու հանրապետական երաժշտական փառատոնների՝ փայլուն հանդես գալով և լավ արդյունքներ գրանցելով։ Հաճախ է հյուրախաղերով մեկնել աշխարհի տարբեր երկրներ։
Արմինեն արդեն վեց տարի է, ինչ հանդիսանում է Ռուսաստանի վաստակավոր արտիստուհի։
