Հայտնի հաղորդավար, մոդել Լիլիթ Մարտիրոսյանը, որը ներկայանում է Լիլի Մորտո բեմական անվամբ, նշել է ծննդյան երեսունհինգամյա տարեդարձը։
Կապանցի Լիլիթը, ով մանկության տարիներին շատ համեստ ու ամաչկոտ աղջիկ է եղել, այժմ ամենից վառ ու ինտրիգային կերպարներից է համարվում։
Վերջին շրջանում Լիլին շաբաթներ շարունակ ամուսնու և նրա երեք զավակների հետ գտնվում է Դուբայում։
Ընտանիքն այստեղ իր հանգիստն է վայելում՝ միաժամանակ ուշագրավ կադրեր տեղադրելով հագեցած ու բուռն առօրյայից։ Լիլին մշտապես շրջապատված է ամուսնու երեխաներով, որոնց, ինչպես ինքն է մի առիթով խոստովանել, ընդունում ու սիրում է հարազատի նման։
Լիլին իր ծննդյան օրը ևս բավականին բուռն ու հագեցած է անցկացրել։ Նա մեքենա է վարել Դուբայի փողոցներում, եղել է լողափում, ապա ամուսնու հետ այցելել է տեղի ակումբներից մեկը, որտեղ միասին զվարճացել են։
Հիշեցնենք, որ Լիլին իր նախրոդ ծննդյան օրն անց էր կացրել գործընկերների հետ՝ նրանց համար բացօթյա հետաքրքիր խնջույք կազմակերպելով։
