Ժաննա Անդրեասյանը որոշ մանրամասներ է ներկայացրել սպասվելիք ուսումնական տարվա մասին։ Նրա առաջարկով որոշ դպրոցներ առաջին դասարանցիների ընդունելությունը կկազմակերպեն օգոստոսի 31-ին, որպեսզի խուսափեն շատ մարդկանց կուտակումներից։
Պատասխանելով դասերի ամենօրյա, թե օրումեջ լինելու բնույթի հարցին՝ Ժ․ Անդրեասյանը ասել է, որ դասերը լինելու են ամենօրյա, սակայն այդ դեպքում հարկ է խստագույնս պահպանել համավարակային կանոնները։
Նա կարևորել է, որ բոլորը հետևողականորեն կրեն դիմակներ, ախտահանեն տարածքները, օդափոխեն և այլն։ Սնունդ տրամադրող դպրոցների խնդրին ևս փոխնախարարն անդրադարձել է։
Ժ․ Անդրեասյանը ասում է, որ հիմա քննարկման փուլում է առաջին դասարանցիներին սնունդ տրամադրելու խնդիրը։ Նա հիշեցրել է Մակ-ի պարենի համաշխարհային ծրագրի իրականացման փաստը։ Նա կարծում է, որ այս տարի այդ ծրագիրը ևս կգործի։
Նախորդ տարի այդ ծրագրի շրջանակներում երեխաներին տրամադրվել է սննդային փաթեթ։ Ժ․ Անդրեասյանի ասածների բոլոր մանրամասներին կարող եք ծանոթանալ կից։
